World Test Championship

ورلڈ ٹیسٹ چیمپئن شپ،پاکستان مشکل میں،کیویز کو نئے پر لگ گئے،بریکنگ نیوز

عمران عثمانی

آئی سی سی ورلڈ ٹیسٹ چیمپئن شپ کے پوائنٹس سسٹم میں تبدیلی کے بعد ٹاپ تھری ٹیموں آسٹریلیا،انگلینڈ اور بھارت کے درمیان فائنل کے لئے رسہ کشی عروج پکڑے گی،چوتھے نمبر پر موجود نیوزی لینڈ ٹیم ان میں سے کسی ایک کے لئے بڑا خطرہ ہوسکتی ہے۔5ویں نمبر پر موجود پاکستانی ٹیم کےلئےفائنل میں جگہ بنانا ناممکن ہوتا جارہا ہے۔
انٹرنیشنل کرکٹ کونسل نے ورلڈ ٹیسٹ چیمپئن شپ فائنل کوشیڈول کے مطابق کروانے کااعلان کرتے ہوئے ملتوی شدہ سیریز کو ایڈجسٹ کرنے کے لئے پوائنٹس سسٹم میں تبدیلی کافیصلہ کردیا ہے۔
ورلڈ ٹیسٹ چیمپئن شپ فائنل ہوگا،پوائنٹس سسٹم تبدیل،بھارت کو جھٹکا،کرک سین کا تجزیہ سچ ثابت
جمعرات کو آئی سی سی بورڈ میٹنگ میں کرکٹ کمیٹی کی سفارشات کی منظوری دے دی گئی۔
نئے سسٹم نے ٹیموں کی پوزیشن کو یکسر تبدیل نہیں کیاہے ،بھارت پہلے سے دوسرے اور آسٹریلیا دوسرے سے پہلے نمبر پر آیا ہے،دونوں میں اگلے ماہ سیریز شروع ہونے والی ہے۔سسٹم کی تبدلی سےاگر کسی ٹیم کو فائدہ ہوسکتا ہے تو وہ نیوزی لینڈ ہے جو اپنی 2 ہوم سیریز اوپر تلے جیت کر کچھ اچھی پوزیشن میں آجائے گا۔
نیوزی لینڈ آنے والے مہینوں میں ویسٹ انڈیز اور پاکستان کے خلاف اپنی دو ہوم سیریز میں زیادہ سے زیادہ 240 پوائنٹس حاصل کرلے تو وہ 70٪ پوائنٹس (600 میں سے 420) کے ساتھ اختتام کرے گا اس کے حریف بھارت اور انگلینڈ پانچ میچوں کی سیریز میںجب مد مقابل ہونگے تو وہاں کسی ایک کی مکمل شکست کیویز کو پر لگادےگی ، ادھربھارت نےبھی دسمبر،جنوری میں آسٹریلیا سے چار ٹیسٹ کھیلنے ہیں۔ انگلینڈ کا دورہ سری لنکا بھی شیڈول ہے.

اپنا تبصرہ بھیجیں